अहमदनगर : ‘सेवांकुर २०१७’ हे २१वे राज्यस्तरीय प्रेरणा शिबिर निंबळक येथील ‘स्नेहालय’मध्ये उत्साहात पार पडले.
११ ते १३ ऑगस्ट या कालावधीत झालेल्या या शिबिराला चांगला प्रतिसाद मिळाला. यात ‘मी कसा घडलो’ कार्यक्रमामध्ये निवडक यशस्वी व्यक्तींच्या प्रेरणादायी जीवनप्रवासाचे मुलाखतीद्वारे मार्गदर्शन, आपली स्वप्ने सत्यात उतरविण्यासाठी काय करायला पाहिजे, याचा कृती आराखडा तयार करण्यासाठी महत्त्वाच्या विषयांसंदर्भात मार्गदर्शन सत्रे झाली. यामध्ये जीवनाचे ध्येय कसे ठरवावे, वेळेचे नियोजन, आत्मविश्वास कसा वाढवावा, सुसंवाद कौशल्ये आदींचा समावेश होता.
या शिबिराच्या यशस्वितेसाठी संतोष गरजे, महेश पवार, देवेंद्र गणबीर, नितीन बाबरे, निशा तीरवाडी. विकास सुतार यांनी परिश्रम घेतले.
